Z Grodka/Spremberg. Z nimsko-serbskeju namšu na Jawišću pód gołym njebjom jo se pśedslědnu njeźelu wjeliki program ewangelskego cerkwinskego krejza Chóśebuz a Domowiny pód motom „gromaźe wesrjejź“ wótwórił. Gromaźe pśigótowany, gromaźe organizěrowany a gromaźe pśewjeźony– toś jo moto tomu tšojenjow połnemu dnoju docyniło.

Georg Thimme, superintendent ewangelskego cerkwinskego krejza Chóśebuz, jo se tomu wjaselił: „Ideju zgromadnosći smy wót samego zachopjeńka pówitali a tak jo wordował z togo dnja wěcej ako gmejnski swěźeń, ale jadna wjelika zgromadnosć. Pśi pśigótowanjach jo to było rědne zgromadne źěło z Domowinu.“