Z Janšojc/Jänschwalde. Zachadny kóńc tyźenja jo se wótměła zasej muzejowa noc w Janšojcach. A zgromadnje z tym jo Serbsko-nimski domowniski muzej swój 30. burstak měł. To musy se na kuždy pad swěśiś! Wšakorake programowe dypki su byli na planje na muzejowem dwórje we jsy. Bóžko pak jo casy mócny dešć padał, tak až wše su wuběgnuli pód stany abo do brožnje muzeja. To pak njejo było tak zlě.

Wjele gósći jo se na toś tom wjacorje w Janšojcach zmakało, aby muzice janšojskego chora pśisłuchali a zukam historiskich dudow. Drugi highligth jo była pśeglědka mody. Žedne modele su pokazali wjelerakosć serbskeje drastwy: swěźeńsku, wšednu, cerkwinsku drastwu a wjele wěcej a mimo togo su prezentěrowali teke drastwu mužow! Kak su se muske pśed 100 lětami drastwili a co su k wažnym dnjam, co na pólach nosyli?