Na prědnem kóńcu tyźenja w septembrje su se zasej žnjowne swěźenje na jsach wótměli a pśi tom samo dwa jubileja!

Sobotu, 5. septembra, jo drjenojska młoźina swój žnjowny pórik kronowała. Tam jo zaseś rejtarjow wó titel krala wójowało a 12 źowćow jo było w swěźeńskich drastwach pódla. Dobyłej stej Paul Dietrich a Tina Scheiderojc.

Teke w Popojcach/Papitz su kokota łapili. Tam jo było wósym rejtarjow. To wósebne jo, až samo tśi žeńske su tam sobu rejtowali. Tych źowćow we swěźeńskich drastwach jo było. Kralojski pórik stej Leon Richter a Karolina Krausojc. W Depsku/Döbbrick su swěśili wjeliki kokot. Wót tśich rejtarjow a wósym źowćow stej Willi Kasper a Luisa Nowkojc kral a kralowka wordowałej. Teke te wóženjone a źiśi su se wobźělili. Tam jo 11 rejtarjow wopytało głowu kokota wótryś a pěś žeńskich a tśi źiśi jo w serbskej drastwje sobu gótowało. Dobył jo Roland Weichert, kenž ma swóju źowku Franzisku Weichertojc ako kralowku.