Z Bórkow/Burg. Na slědnem kóńcu tyźenja w awgusće jo se zasej wótměł domowniski a drastwiny swěźeń w Bórkowach a to k 32. razoju. Ako pśecej jo był program kradu pyšny, z wjele wjeraškami na wšych dnjach.

Startowali su pětk wótpołdnja. Prědny akter na jawišću jo był solist Torsten Kuhl, kenž jo grał na trompeśe. To pak njejo był jadnučki muzikowy highlight, teke druge žanry a muzikarje a muzikaŕki su wustupili, tak až gósći su mógali rejowaś.

Wjacor pó schowanju słyńca jo se wótměł za małych lampionowy pśeśěg, zgromadnje z dobrowólneju wognjoweju woboru a ze Strobicańskimi muzikantami. Pó hyšći dalšnych muzikaliskich wustupach jo prědny źeń swěźenja se skóńcył.