Z Města/Cottbus. Slědny tyźeń srjodu jo se w Chóśebuzu wopomnjeńska plaketa swětosnje wótekšyła. Ta dopomina na rolu chóśebuskego dwórnišća w NS-casu. We fokusu stoje deportacije, nuźone źěło a wobźělenje zeleznice Nimskego rajcha na nacionalsocialistiskem pśeslědowanju. Plaketa trajnje na to dopomina, až dwórnišćo jo było wuchadnišćo a pśechodne dwórnišćo za deportacije a transporty popajźonych a pśeslědowanych. QR-code na plakeśe wjeźo k wopśimjeśam wustajeńce, kótaraž jo se w projekśe „Chóśebuz: Dwórnišćo dopomnjeśa. Deportacije a nuźone źěło w nacionalsocializmje“ wuźěłała. Z tym wóstanu wuslědki projekta teke pó kóńcu wustajeńce pśi dwórnišću (Nowy Casnik jo wó njej rozpšawił) na historiskem městnje pśistupne. „Der Cottbuser Hauptbahnhof war für viele Menschen kein Ort des Aufbruchs, sondern eine Station auf dem Weg in Entrechtung, Zwangsarbeit, Haft und Tod. Diese Geschichte gehört sichtbar in unsere Stadt. Mit der Gedenkplakette schaffen wir einen dauerhaften Erinnerungsort mitten im Alltag.