Zajm na wuknjenju dolnoserbskeje rěcy jo mjazy dorosćonymi aktualnje wjelgin wjeliki, ako nic naslědku su dopokazali rekordowe licby wobźělujucych na lětosnem kompaktnem kursu Šule za dolnoserbsku rěc a kulturu, a pótrjeba dobrych nacasnych wuknjeńskich materialow jo togodla akutna. Toś jo se Rěcny centrum WITAJ we wótgłosowanju z Rěcneju šulu rozsuźił nowu wucbnicu za dorosćone wuknjece na niwowje A1 wuwijaś, kenž pśigótujo direktnje na Rěcny certifikat A1.