Dalšny kšac pśi wuwiśu Serbskego kulturnego registra

K digitalizěrowanju bogatego serbskego kulturnego derbstwa słuša, až Serbski institut wuwija serbski kulturny register gromaźe z partnarjami. Něnto w awgusće jo institut k wěsći dał, až pó wěcejlětnej konceptowej fazy, do kótarejež jo słušało wuwijanje techniskeje infrastruktury, su w juliju 2026 zachopili, register systematiski napołniś. Za toś ten zaměr su se dojadnali Serbski institut, Serbski muzej w Chóśebuzu a Serbski muzej w Budyšynje na kooperaciju za druge połlěto 2026.

Ze Serbskego muzeja Budyšyn dej se ako prědne ta wobšyrna zběrka plakatow do kulturnego registra integrěrowaś. Ze Serbskim muzejom Chóśebuz se wótměwa pódobny proces za tamnu zběrku grafiskich śišćow. Wobej digitalizěrowanej źělnej zběrce se pótom pśez centralny kulturny register spśistupnijotej.

Teke mjeńše zběrki deje se za-pśimjeś. Aby se to pśigótowało, jo rěd źěłaŕnickow ze sobuźěłaśerjami w źěłowej kupce Łužyska muzejowa krajina planowany. Teke techniska infrastruktura dej se dalej wutwariś.