Z Běłeje Góry/Byhleguhre. Jadnučka wjaska we wokrejsu Dubja-Błota, w kótarejž woplěwaju nałog łapanja kokota, jo Běła Góra. W zajźonych lětach su se musali Běłogórjanarje bójaś wó pśewjeźenje swójogo žnjownego nałoga: Jo dało napołožki (Auflagen) wót boka weterinarnego amta wokrejsa LDS kaž teke druge wupominanja. Lětosa jo pak organizacija kokota tradiciskemu towaristwoju lažčej padnuła, nic napóslědku źěkowano pódpěrje a pomocy wót landrota Sven Herzberger. A tak su Běłogórjanarje swój žnjowny swěźeń sobotu, 8. awgusta, pśi Kisowem šachtu (Kiesschacht) swěśili.