Z Protec/Prietitz. Něnto kóńc tyźenja jo se južo dwanasty raz wuměłstwowy bus (https://kunstbus-ol.de/) pó Górnej Łužycy kulał, konkretnje tenraz pó pódwjacornej Łužycy. Stacije su byli Protecy (Prietitz), Połčnica (Pulsnitz), Wachau a Seifersdorf. Wjedro njejo mógało na wobyma dnjoma rozdźělnjejše byś: Mjaztym až su woglědowarje sobotu wajmerowali pód teju górcotu, su musali njeźelske gósći dłujko wócakowany dešć znjasć. Za zagrodu mamutow w Protecach jo slědna warianta nejskerjej spódobnjejša była, dokulaž rostliny w kšasnem parku bóžko lěbda dawaju chłodk. Tomu napśeśiwo su mógali gósći w parku kołowokoło kněžkojskego doma derje sejźeś. Spěchowańske towaristwa kněžkojskego doma, kótarež se zasajźujo za zdźaržanje togo twarjenja, kenž hyšći DDRski šarm pósrědnijo, jo se wó wobgóspodarjenje gósći starało. W twarjenju jo pokazała „Marlis‘ lustige Klöppelgruppe“ swóje twóŕby – wiźeś jo była wustajeńca wó stawiznach Protec ako teke wustajeńca z twóŕbami Rity Geißler.