Ze Škódowa/Skadow. Na lětosnem łapanju kokota w Škódowje, pśi wusokich, ale rowno tak hyšći znjasliwych temperaturach, jo se wobźěliło źewjeś źowćow w serbskej drastwje a wósym rejtarjow. Zmakali su se młodostne nejpjerwjej pśed Širgottojc kjarcmu, a rědnje jo było, až někotare su se samorozmějucy z „Dobry źeń!“ pówitali. Pśi wótwórjeńskima rejoma pśed kjarcmu jo hyšći Christian Chmjel (Chmell) sobu rejował, aby kužde źowćo měło rejowańskego partnarja. Christiana rowno tak ako Mariusa Matšeńca (Matschens) a Arthura Szonna su wjacor pón nowo do młoźiny pśiwzeli. Christian njejo sobu rejtował, ale jo sunuł pśi małem pśeśěgu k wuběgowanišćoju tu karu z cesnymi wěncami („Kleiner Christian, komm mal her, du schiebst die Karre!“) a jo pón pódpěrał team na traktorje, kótaryž jo za wrota a kokota zagronity był. Gjardy jězdźaŕ togo traktora z pśipowjesakom jo był Christian Kamjeńc, kenž jo źaseś lět dłujko šef škódojskeje młoźiny był a wjele raz dobył łapanje kokota. Mjaztym jo wón nan. (Něga su w Škódowje kutšu za wrotowe słužby wužywali.