Z Małego Kólska/Klein Kölzig. Stara cyglownja jo była zajźonu srjodu gósćinaŕka za medijowe snědanje, na kótaremž źěłowa kupka Łužyska muzejowa krajina a wokrejs Sprjewja-Nysa stej zgromadnje pśedstajiłej lětosny program muzejowych nocow. Na kóńcach tyźenja wót 29. awgusta do 27. septembra pšosy nagromadu 32 muzejow, domacnych śpow a towaristwow na wjelerake a wósebne zarědowanja we swójich domach pód motom „Stawizny domownje w akciji/Heimatgeschichte in Aktion“. Wjaseliś mógu se woglědarje mjazy drugim na koncerty, filmy, źiwadłowe graśa, pśednoski, cytanja, a teke stare rucnikaŕstwo a staru techniku směju gósći se woglědaś abo wuproběrowaś abo zajmnostki wó domacnej pśiroźe zgóniś.