Sobotu jo był Europejski Holocaustowy wopomnjeński źeń za Sinti a Roma, ak se wótměwa kužde lěto 2. awgusta. Jo to było w nocy wót 2. na 3. awgusta 1944, ako jo SS zamordowała něźi 4.300 Sinti a Roma w tak pomjenjonem „Zigeunerlager“ koncentraciskego a zniceńskego lěgwa Auschwitz-Birkenau we płunowych komorach. W dopomnjenju na dogromady 500.000 Sinti a Roma, ak su zamordowali w nacionalsocialistiski wobsajźonej Europje, jo Europejski parlament 2015 ten źeń póstajił k Europejskemu Holocaustowemu wopomnjeńskemu dnju za Sinti a Roma.