Z Rownego/Rohne. Sobotu jo spěchowańske towaristwo „Njepilic dwór z.t.“ na tradicionelny lěśojski swěźeń pśepšosyło. Zawcasa jo se ku tej góźbje teke lěśe wrośiło. Zwězany jo był swěźeń z aktualnymi stawizniskimi dopomnjeśami na historiski dwór. W juniju 1806 jo Hanzo Njepila chrom dotwarił, kótaryž jo se pśez stolěśa pśisamem njezměnjone w originalu zdźaržał. K tomu se pśizamknjo dalšny jubilej. Dnja 1. awgusta 1766 jo se naroźił rowniski bur Hanzo Njepila. K 260. wrośenicy jogo narodnego dnja buźo na tom dnju wopomnjeńska góźina na dwórje. Gósći lěśojskego swěźenja su se južo něnto na toś te pśichodne wjeraški nastajili.