Z Budyšyna/Bautzen. Z kradu njewšedneju wernisažu jo se wótwóriła dnja 11. junija wustajeńca „Sorbian drift by ZELKO“. Rahel Zelnakec, kótaraž pokazujo až do 12. septembra wuběrk swójskich twóŕbow – mjazy drugim pyšnotki, kolaže, plastiki kaž teke tekstilne wuměłstwo – jo w „dobrej śpě“ budyšyńskego towaristwa Dźěłań dźeń jo se źe k tomu rozsuźiła, pśeglědku ze źěłaŕnicku zachopiś. W toś tom ramiku su mógali wobźělniki se pśeznaniś, až su sački (parlickowe seśi), kótarež njejsu njewažny źěl serbskeje drastwy, njamógu se mimo sćerpnosći a nic naslědku mimo měrneje rucki wuplasć. Gaž su zwětšego ceło do swójogo źěła zanurjone kursisty to dowólili, jo wuměłcowka rozkładowała młogemu wustajeńcu se woglědujucemu gósćoju jadnotliwosći k swójim eksponatam. Mjazy drugim jo wulicowała, až by byli młoge ze swójich pyšnotkow njezapłaśne, gaby pominała sebje regularne minimalne myto (Mindestlohn) za nałožone źěłowe góźiny, a jo rozkładowała na pśikłaźe jadneje swójich kolažow, až njemusy aktiwny antifašizm serbskim seniorkam cuzy byś.