Z Lipska/Leipzig. K zmócnjenju swójogo sorabistiskego profila jo Uniwersita Lipsk naźěłała koncept za dalejwuwiśe Instituta za sorabistiku. Nowowusměrjenje jo było pśedwiźone w celowem dojadnanju mjazy Sakskim ministaŕstwom za góspodaŕstwo (SMWK) a uniwersitu a ma se něnto zwopšawdniś. Toś ten nowy koncept pśedwiźi teke rěd pśewóźowańskich napšawow. Mjazy nimi jo na pśikład załoženje kulowatego blida ze serbskimi akterami, kaž Domowina, Serbski institut, Rada za serbske nastupnosći w Sakskem kaž teke w Bramborskem krajnem sejmje, Załožba za serbski lud a z drugimi gósćami. Mimo togo co uniwersita swóju informacisku kampanju wó studijnem póbitowanju wutwariś, kótaraž se wobrośijo na serbske šule, wósebnje wusměrjone na Serbski gymnazium w Budyšynje a Dolnoserbski gymnazium w Chóśebuzu. Dalšna napšawa jo orientacija na rěcny rum, to groni až kśě wutwariś gromaduźěło ze serbskimi šulami, zwězkami a kulturnymi institucijami.