Z Města/Cottbus. Zachadny pětk jo se wótměła finisaža k wustajeńcy \"Ze žeńskecym póglědanim\". Wokoło źewjeś mjasecow su byli wósebne wuměłske twóŕby styrich žeńskich z tśich wšakorakich casow wiźeś.

Pśi tom jo se prědny raz prezentěrowała Erna Krüger, kótaraž jo žywa była wót 1883 do 1973. Toś ta talentěrowana žeńska jo bydliła casy w Błotach a jo měła kšute zwězki k serbskim žeńskim a luźam. To jo teke pótom wótmólowała. Jeje twóŕby su pó smjerśi do muzeja w Osterode w Harcu dali a su za wósebnu wustajeńcu ako wupóžyconki do Chóśebuza pśišli. Pódla njeje stej teke tśi druge mólaŕki swóje twóŕby pokazali: Hella Stollecyc, Iris Brankačkowa a Maja Naglowa. Te tśi jo portretěrowała fotografowka Karla Pohl, kótaraž se južo wěsty cas ze serbstwom zaběra.