Z Budyšyna/Bautzen. Swójorazna měšańca z chaosa, swinga, jazza a akustiskego punkrocka kupki „Beppu Punk Cats“ jo zagóriła prědnu srjodu julija togo lěta gósći koncerta w „bydleńskej śpě“ budyšyńskego towaristwa „Dźěłań dźeń“ na Sukelnskej droze. Pśed tśimi lětami załožona band jo była w ramiku turneje „Utopije“ prědny raz ducy pó pódzajtšnej Nimskej, pśi tom mjazy drugim w Lipsku, Drježdźanach, Barlinju a pśi Rudolstadtfestiwalu. Mě teje kapały póśěgnjo se na město Beppu, z kótaregož póchada gitarist, spiwaŕ a grajaŕ gubneje harmoniki Hirai Masaya. A teke póśěgujo se na „kostimy“, w kótarychž wustupiju a na (muzikalisku) atitidu, kenž kupka ma.