Ze Žylowa/Sielow. We dnjach pśed dłujko pśižyconych prozninach su byli na zakładnej šuli w Žylowje tradicionelne projektowy dny. Lětosa jo šula južo rano napominała na luźi, kenž w měsćańskem běrtylu bydle. Šula jo organizěrowała projekt, pśi kótaremž su wukniki a wuknice swóje pomocy póbitowali a to samo w priwatnem wobłuku. „Głownje jo se wjele staršych pśizjawiło a pšosyło wó pomocu na dwórje a w gumnje. Ale weto jo było wótgłos na taki projekt kradu mały, tak až smy musali hyšći dalšne za wše wužytne cynitosći organizěrowaś. Druga a tśeśa rědownja stej w góli wótpadanki zběrałej, někotare su byli ducy z grabjami wokoło pomnika a zasej druge su byli ducy wokoło šule, źož su wótwardowali pśirodu“, tak wulicujo šulska wjednica Madeline Gjarźic.