Gósći, mjazy kótarymiž su byli z něgajšnymi brigadnikami tek luźe prědneje góźinki, su se dopominali na zakłaźe impresijow ze slědnych sedym lětźasetkow na swójo statkowanje w Serbskem domje. 
Z Budyšyna/Bautzen. Pśi góźbje wótwórjenja Budyšyńskego Serbskego doma dnja 8. julija 1956 jo se wótměło dokradnje 70 lět pózdźej w towaristwje za sebje (in geschlossener Gesellschaft) pśiwitanje we tom až do źinsajšnego drje nejwuznamnjejšem twarjenju małego słowjańskego luda Serbow. Domowina, Maćica Serbska a Załožba za serbski lud su k tomu jubilejoju wšykne žeńske a muže pśepšosyli, kótarež su gdy, we tom domje statkowali.
W mjenju kšywowego zwězka Serbow jo wuwitała jogo jadnaŕka Judit Šołćina tych gósći w połnje wobsajźonem zalu. Dalšne póstrowne słowa stej powědałej pśedsedaŕka nejstaršego serbskego towaristwa Anja Pohončowa a direktor Załožby za serbski lud Jan Budar.
