Z Dešna/Dissen. Wót bajkow wuchada wósebna móc, bźezcasne gusło – wóni pokažu fantastiski swět połny źiwow a wótekšyju pśi tom rownocasnje psychologiske wěrnosći. Za źiśi rowno tak ako za dorosćonych su bajki pókład, kenž teke w źinsajšnem digitalnem casu na žeden pad njeby dejał se z našogo žywjenja zgubiś. Kake duchne wochudnjenje by z tym zwězane było! Śim lěpjej, až dajo móžnosći, bajki raz pó cele žywej, wósebnej, analognej wašni dožywiś – tak ako pśi Słowjańskem bajkowem festiwalu, kenž jo se lětosa k mjaztym šestemu razoju w Domowniskem muzeju Dešno wugótował.