Z Mužakowa/Bad Muskau. Južo někotare lěta pśewjeźo Nimske dendrologiske towaristwo z.t. (Deutsche Dendrologische Gesellschaft e.V./DDG) projekt za šćit stolěśa starych bomow. Pśepodaju pomjenjenje Bom nacionalnego derbstwa (Nationalerbe-Baum). Specielny kuratorium wuzwólijo jadnotliwe bomy a pósćijo jim wuznamjenjenje Bom nacionalnego derbstwa. Cel teje iniciatiwy jo, nagromadu sto tych prastarych bomow, rozdźelone pó cełej Nimskej, z toś tym titlom pócesćiś. Tak pócesćone bomy dostanu indiwiduelne a šonujuce woplěwanje a se stajiju pód šćit. Wóni deje teke hyšći w pśiducych stolětach za pśiduce generacije k dožywjenju byś.

Dnja 29. maja jo Załožba „Fürst-Pückler-Park Bad Muskau“ w kooperaciji z Nimskim dendrologiskim towaristwom wuwołała ten dotychměst nejpódzajtšnjejšy Bom nacionalnego derbstwa. Jo to dub družyny Quercus robur w UNESCO-městnosći swětowego derbstwa Mužakojski park, tak pomjenjony „Steinbank-Eiche“.