Siegfried Holz z Brězowki, kenž jo bóžko w lěśe 2025 wumrěł, jo był wjelgin znaty dudak. Foto: J. Maćij

Ze Slěpego/Schleife. Co maju olympiske graśa zgromadnego z wósadu Slěpe? Ga to, až se kužde stwórte lěto pśewjedu toś te wjelike sportowe wuběźowanja, pśecej w jadnom drugem kraju. A w Slěpem se teke kužde stwórte lěto zmakaju gerce ze wšakich krajow na mjazynarodnem festiwalu dudakow.

Lětosa su južo 10. raz taki festiwal wugótowali, a to 19. do 21. junija. Za to běchu pśigótowali pisany program ze wšakimi kupkami a solistami, ako su na wšaki part dali dudam zazněś. Bóžko su musali sobotu dla dešća a mócnego wětša swój planowany program tšochu pśeměniś.

Tak jo była naźeja wjelika, až buźo njeźelu wjedro dobre, aby mógali swój pśigótowany wobšyrny program woglědarjam pokazaś. A to su pón teke mógali, rownož jo słyńco mócnje swěśiło a tak su wšykne pytali městno we chłodku.

Tam, źož jo raz

stojała wejsna šula