Z Łužyce/Lausitz. Kóńc tyźenja su góruce temperatury Dolnu Łužycu pód rukoma měli. Chtož jo mógał, jo wóstał doma abo sebje pytał chłodkojte městnaško. Zarědowanja we wjelikej licbje su se wótpowěźeli. Tak teke sportowy swěźeń w Smogorjowje k 625-lětnemu wejsnemu jubilejoju. Jano rejowańske zarědowanje k tomu jo se sobotu wjacor wótměło. W Drjenowje su tejerownosći sportowy swěźeń wótpowěźeli a wótstarcyli.

Pśisamem rowno tak znoj gónjece ako sport jo źěło pśi pjacu. Teke prědny pjacowy swěźeń w Dešnje jo se, pó pórucenju strowotniskego amta, wótpowěźeło. Wón dej se nazymu nachwataś. Wjerbanarje su swójo źěłowe zasajźenje na grajkanišću pśesunuli.