Z Města/Cottbus. Muzikaliski wjacor mjazy nordiskeju melancholiju, wirtuoznym wuměłstwom a žyweju rejowańskeju tradiciju wótcakujo woglědarjow pónjeźele, 22. junija, w Rejowańskem domje Łužyca. W ramiku jeju „Northern Winds Tour 2026“ zagrajotej Ute a Alban Faust w koncerśe a na reju, a to we wósaźe „mittendrin“ pla měsćańskeje studnje, zeger 19:00. Zastup płaśi 15 euro pśi wjacornej kasy.

We srjejźišću stoj tradicionelna muzika Skandinawiskeje. Alban Faust, nosaŕ šwedskego cesnego titela „Riksspelman“ (kralojski ludowy gerc), licy k pšašanym interpretam šwedskeje ludoweje muziki. Roźony Nimc bydli wjele lět w Šwedskej. Wón grajo a twari sam wšake instrumenty a jo pšašany muzikaŕ. Znaty jo ako grajaŕ historiskego šwedskego instrumenta „Nyckelharpa“ a šwedskich dudow.