Z Drjejc/Drewitz. Jo to było w lěśe 1911, pśed 115 lětami, ako jo pśišeł młody wucabnik ze susedneje jsy do Drjejc. Karlo Dabow jo se naroźił w Janšojcach 4. februara 1889 a jo 22 lět pózdźej chopił w drjejcańskej šuli wucyś. Tam ga jo měł 108 serbsko-rěcnych źiśi. Ale to njejo było jogo jadnučki nadawk. Wón jo pisał wokoło 30 lět drjejcańsku wejsańsku chroniku, kótaraž až do źinsajšnego dnja wobstoj a se stawnje dalej wjeźo. Mimo togo jo pytnuł južo w prědnych tyźenjach, až Drjejcanarje raźi spiwaju. Tak jo załožył muskecy chor šesć tyźenjow pó zachopjeńku w tej šuli.