Z Gołkojc/Kolkwitz. Žywjenje njejo ponyjowy dwór? No, młogi raz tola! Na pśikład slědny pětk za serbske familije, kótarež su slědowali pśepšosenju Rěcnego centruma (RCW) WITAJ na ponyjowy dwór „Forest Hill“ w Gołkojcach. 2023 jo RCW prědny raz organizěrował taki wulět z ponyjami. Tenraz su wótere źiśi pódla byli, ako su pśed tśimi lětami hyšći pśemałe byli. Nejmłodša wobźělnica pětk jo była styrilětna, nejstarša 12-lětna. Dogromady jo wósym źiśi pódla było. Šesć z nich jo pón na kśebjat ponyja pśišło, tej dwě wětšej źowći stej byłej pšosonej, kužda jadnogo ponyja za štrykom wjasć. Ale nježli jo se zachopiło to wandrowanje z ponyjami, su se źiśi z tymi lubymi zwěrjetami zeznali a su směli je šropowaś (striegeln).