Z Bórkow/Burg. Južo srjodu, 29. apryla, su źiśi z bórkojskego horta Lipa swój majski bom stajali. Kołowokoło stajanja majskego boma su wóni z pomocu swójich wótkubłaŕkow rědny swěźeński program wugótowali. Lěc jo se jim ned prědny wopyt pśi stajanju raźiło?

Nejžpjerwjej su gósći serbski a nimski wuwitali. Moderaciju jo wótkubłaŕka Nicole Rublackowa pśe-wzeła. Nagromadu 143 źiśi z 8 kupkow jo se wumysliło a se wě pilnje zwucowało wjeleraki a pisany program.

Pśi stajanju jo se zdało, ak by měł wětšyk něco pśeśiwo majskemu bomoju a stajarjam. Hyšći, ak su pomocniki bom źaržali a jen juž na połojcu stajany měli, jo jim hušk z wěncom wupyšnjonu brjazu z rukow duł. Ale na gluku jo se drugi wopyt raźił, a źiśi, wótkubłaŕki a gósći su mógali kšasny bomcyk wobźiwaś.