We wjelikem zalu we Wokrejsnem domje w Baršću, tam, źož wokrejsny sejm se pśecej zmakajo, wisytej na jadnej sćěnje dwa wósebnej mólowanej wobraza. Z tym co wokrejs cesćiś paršony, ako su za wokrejs wjele dobrego naźěłali. Na lěwem wobrazu wiźimy Dietera Friesa, kenž jo był w lětach 1994 do 2010 landrot we wokrejsu Sprjewja-Nysa. Do togo jo zastojał toś ten wažny amt 1990 do 1993 we wokrejsu Bernau. Na pšawem wobrazu jo Serb dr. Michał Hajdan wótmólowany. W lětach 1990 do 2014 jo był cłonk wokrejsnego sejma. 16 lět dłujko jo wón był jogo pśedsedaŕ.

Nejskerjej jo teke pśedwiźone, až se tam pśipórajo tśeśi wobraz, a to wót Haralda Altekrügera.

Harald Altekrüger jo se teke zapisał do cesnych knigłow wokrejsa SPN.Tak se źiśi we slěpjańskej wósaźe serbski woblekaju.

Z Baršća/Forst. Za Haralda Altekrügera jo był 16. pósejźenje wokrejsnego sejma Sprjewja-Nysa slědnu srjodu wjelgin wažny źeń. Za tym až jo źěłał 16 lět dłujko ako krajny raźc, jo ga był to slědny raz, až jo se wobźělił na pósejźenju wokrejsnego sejma. Něnt jo se pódał na swój zasłužony wuměńk, doma w małej wjasce Kóšnojce/Koschendorf.