Z Dešna/Dissen. We wobłuku pód gołym njebjom „Stary lud“, kenž słuša k Domowniskemu muzejoju Dešno, su kóńc tyźenja zachopk do sezony swěśili. Ku tej góźbje jo se ten teren dwa dnja pśeměnił do žywego sedlišća ako pśed něźi 1.000 lětami. Historiske pśedstajarje – ako Słowjany, Wikingarje a Franki – su dali woglědarjam w awtentiskem ambiente se zanuriś do wšednego dnja ranego srjejźowěka. Nad wótwórjonym wognjom jo se wariło, wałma jo se pśědła a barwiła. Rucnikarje su pokazali swóje zamóženja pśi źěłach z drjewom, metalom a tucnakom (Speckstein). Teke žurne zgótowanje rjeśazkowych zgłow a šćitnego wugótowanja su mógali woglědarje dožywiś. Pśedstajarje wójnarjow su pokazali, kak jo mógło wuglědaś zašćitowanje srjejźowěkowego słowjańskego sedlišća pśed winikojskimi zadobywarjami. Dorazny zaśišć tegdejšych konfliktow jo se pósrědniło.