Wót wěrnosći: Chto wót nas jo był toś ten tyźeń dlej na Instagramje ako w cerkwi? To ga jo wóno! Jolic smy spšawne, jo se žywjenje wjele luźi juž dawno do digitalnego swěta pśesunuło – teke wjelike pšašanja. Rozym. Cwiblowanja. Naźeja. Něga snaź za kuchninym blidom. Źinsa pak cesto se pyta na Instagram-postings. Pótakem, co cynimy ako cerkwja? Pócakaś, až něchten pśipadnje drogu pśez naše źurja namakajo? Abo źomy sami?

Póglěd na Instagram-account „serbska faraŕka“ pokazujo, kak móžo to hyś. Faraŕka Jadwiga Malinkowa, kótaraž chapja jadnorje powědaś: wó wěrje, wó wšednem žywjenju, wó Bogu. Njejsu žedne bildki stajone, njejo žeden pokazowaŕ pózwignjony. Ale spšawnje. Direktnje. Casy póśicho, casy jasnje. A rowno togodla to dojśpijo luźi.