Jatšowna namša w Picnju: Faraŕ n. w. Ingolf Kśenka z gitaru, Jolanda Kosacojc, Rebekka Kśencyna, Ralf Schiemenz a David Kśenka animěruju wósadu k sobuspiwanjeju. Foto: Hartmut S. Leipner 
Śichy pětk w Janšojcach
Z Janšojc/Jänschwalde. Jadnab 30 janšojskich namšarjow jo pśichwatało śichy pětk zeger 9:00 do cerkwje na dwójorěcnu namšu. Žedne kwětki a žedne zapalone swěcki njejsu wupyšnili cerkwju; jo se kněžyła kradu zeźaržowana atmosfera ku spomnjeśeju na smjerś Jezusa. Ewangelium na śichy pětk jo cytała w serbskej rěcy Stefanie Krawcojc. Lektor Hartmut Leipner jo prjatkował k temje, cogodla jo dejał Jezus wumrěś. Dostojny charakter namše jo pódšmarnuło graśe na orgelach wót Tima Šmita. Jogo jo pśewózowała na prěcnej flejśe Heide Schinowsky.
Jatšowne pónjeźele
w Picnju
