Z Hažowa/Haasow. Wěcej barwow, wěcej žywosći a wósebne gusło jo chóśebuski měsćański źěl Hažow njeźelu pśed jatšami wupołniło. Pśeto familijowy swěźeń wobydlarjow jo teke lětosa zasej wjele wjasela napórał. Pśi rědnem nalětnem wjedrje jo se najs malsnje połniła ze smjaśim źiśi, narskimi pśiglědarjami a wjele familijami, kótarež su kśěli zgromadnje wósebne wótpołdnjo dožywiś.

W srjejźišću jo zasej stojało to tradicionelne walkowanje. Naša lubosnje wugótowana walawa jo źiśi magiski pśiwabiła. Ze zagórjonosću, cesćiłakosćiwosću a swěśecymi wócymi su źiśi se wuběźowali wó titel hažojskego mejstarja walkowanja. Starjejše, stare starjejše a pśijaśele su je wót kšomy sem pógónili a kuždy trjefaŕ wobjuskali.

Na kóńcu jo to była tśilětna Lotte z Chóśebuza, kótaraž jo sebje z impozantnymi tśimi trjefarjami titel hažojskeje mejstaŕki walkowanja 2026 zawěsćiła. Tšuchle, ale gjarda jo wóna z rukowu łońskego dobyśarja ten drogujucy pokal pśiwzeła.