Z Awstralskeje/Australien. Pó swójej abiturje w lěśu 2025 stej se dwě śeśenicy z Dolneje Łužyce na drugi kóńc swěta wupórałej, ga do Awstralskeje, aby tam něco wósebnego dožywiłej, engelsku rěc pólěpšyłej, se zmakałej z nowymi luźimi a w casu pśed studiumom hyšći wjele nazgónjenjow zezběrałej. Stej to Anna Hotzanojc a Vera Guttkojc z Wjerbna, kótarejž stej ze serbskeju kulturu w błośańskej jsy wótrosłej. Se wě, až stej se wót młodych lět wobźěliłej na zapustach, kokotach a drugich góźbach, woblaconej w serbskej swěźeńskej drastwje. Vera se angažěrujo samo w pśedsedaŕ-stwje wjerbańskeje młoźiny a Anna jo złožyła swóju abituru w serbskej rěcy na Dolnoserbskem gymnaziumje. „Wopytajmej našu rěc a kulturu aktiwnje žywe źaržaś, pśeto cujomej se jej dłymoko zawězanej.“, wulicujo Anna Hotzanojc Nowemu Casnikoju.

Cogodla do Awstralskeje ?