Z Města/Cottbus. Na zachopjeńku slědnego šulskego lěta jo se wobrośiło towaristwo Interforum z.t. na Lichu Waldorfowu šulu w Chóśebuzu a jo pšašało, lěc tam mógali wugótowaś projekt k serbskim powěsćam. A specielnje jo to dejało něco byś ze póśěgom k městoju Lubin. Ceptaŕ na chóśebuskej Waldorfowej šuli Tobias Grünbaum, kenž spócetnje z Lubina póchada, jo ned z radosću pśigronił. Kooperaciju jo teke dało ze zakładneju šulu „Liuba“ w Lubinje, źož su tejerownosći něco ku tej temje gótowali.