Wót wěcej ako jadnogo stolěśa swěśe kśesćijanki ale teke kśesćijany gromaźe ten swětowy módlaŕski źeń žeńskich. Jo to bóža słužba, pśi kótarejž se wóni bližej sednu a swóje głose k Bogoju zwigaju. 2026 jo pśišła liturgija za swětowy módlaŕski źeń z Nigerije. To jo kraj z nejwětšeju ludnosću w Africe. Nigerija jo bogata na zemskich pókładach, a weto jo nejwětšy źěl ludnosći chudučki. Wobydlaŕki a wobydlarje Nigerije słušaju ku tym nejmłodšym na cełem swěśe. Ale źož feluju kubłanje, wukubłanje a źěło, felujo teke perspektiwa. A bźez perspektiwy se kněžy namóc.

Něźi 43 do 46 procentow luźi pśisłušaju kśesćijaństwoju, wjele z nich pótrjefijo pógónjowanje (Verfolgung) jich wěry dla, jo naslědk stajonych, wjele tek se wusmjerśiju. Pó studije Załožby Konrada Adenauera póchada 89 procentow tych wěry dla wusmjerśonych kśesćijanow z Nigeriji.

Swětowy módlaŕski źeń žeńskich 2026 dej naźeju pśinjasć! Naźeju za wšyknych, kenž su bźeznaźejne! Naźeju za wšyknych, kenž njewěźe dalej!