Jo pśepózdźe pśišeł – smjerś wótštrofujo žywych.
To jo tšašnje žałosne nazgónjenje. Młogi jo to snaź juž nazgónił. Žedno slědne słowo wěcej, žedno slědne pśijazne dotyknjenje, žedno wósobinske rozžognowanje njejo wěcej móžne. Nic, mimo …
Jezus spłaco – Słowa zni zmuśone, wěcowne a połnje dłymoko zatajonych zacuśow. 11. kapitel jo jaden z nejwažnjejšych tekstow w ewangeliju swětego Jana. Źo wó žywjenje, ale źo teke wó wumrěśe a smjerś: Lacarus jo na smjerś chóry …
Źo wó zwěrne pśijaśelstwo: Jezus se pódajo na drogu k Lacarusoju a jogo sotšoma Marśe a Mariji …
Źo wó dobre a žywe susedstwo: Žydojske wejsne zgromaźeństwo se wudajo na drogu, aby chóremu a žałujucym na pomocy było …
Źo wó dłymoku naźeju wěry, kótaraž powěda ze słow Marty: Gaby ty how był …
Jezus spłaco – Jogo tužyca jogo pśejmjejo. Teke gniw wuderijo glědajucy na žałujucych a wšu zadušujucu bźeznaźejnosć.
