Pśewóźony wót gercow „Oktoberspitzbuben“ a Janšojskich gercow jo se pórał ten wjeliki, wjasoły swěźeński pśeśěg k 150. jubilejnego zapusta w Brjazynje pó jsy. Wjele pśiglědari zbliska a zdala jo to sobu dožywiło. 
Z Brjazyny/Briesen. „Toś ten zapust dej za wšych wóženjonych a njewóženjonych pórikow, za młoźinu, za wšych nutśikownje młodych, za pśijaśelow a sponsorow zapusta a za wobydlarjow a wobydlaŕki cele wósebne tšojenje byś“, jo se prědk wzeł ten źaseśgłowaty organizatoriski team jubilejnego zapusta wót Brjazyny. K 150. razoju su how zapust swěśili.
Pśi starśe swěźeńskego pśeśěga slědnu njeźelu jo šefowka pśigótowanjow Kathrin Hocanowa (Hotzan) se spokojom wugroniła: „Dotychměst jo wšykno tak wótběgnuło, ako smy to sebje žycyli.“
Na pśeśěgu jo se wobźěliło 99 pórikow a 17 źiśecych pórikow w kšasnych swěźeńskich drastwach. Mjazy nimi su byli teke Suckertowe:
