Kurwota (perdix perdix) jo se wu-zwóliła ako ptašk lěta 2026. Pśi zjawnych wólbach, kótarež su se wótměli wót 2. septembra až do 9. oktobra 2025 a kótarež jo pśirodošćitny zwězk NABU pśewjadł, jo mały pólny ptašk 81.855 głosow (44,5 %) dostał a jo se tak pśesajźił pśeśiwo kósoju a dwěma družynoma sowow (Waldohreule, Schleiereule). Z toś tymi wólbami wubuźijo NABU zaměrnje tu zajmowanosć na ptaška, kótaregož wobstatki w Nimskej lětźasetki dłujko wóteběraju.

Kurwota ma pódobnu wjelikosć ako gołub a jo był něga wobydlaŕka wótwórjonych agrarnych krajinow. Źinsa pak jo lěbda tam wiźeś. Šero-brune pjerje kurwoty ju derje tarnujo na zemi, źož pśebywa wětšy źěl swójogo žywjenja. Charakteristiske jo to jěre, daloko słyšabne rewěrowe wołanje samjaka (Männchen), kenž jo pśedewšym w ranych zajtšnych a póznych wjacornych góźinach słyšaś.