Z Budyšyn/Bautzen. „Efektiwna rěcna politika a naslědne spěchowanje serbskeje rěcy měło na wo-pšawdnej pótrjebje bazěrowaś. Studija póbitujo za to spušćobny zakład datow“, měni dr. Cordula Ratajczakowa, wjednica rěcnego slěźenja projekta Zari, seśi za serbsku rěc a regionalnu identitu w nosaŕstwje Domowiny. Slědny tyźeń pónjeźele jo wědomnostnica w Serbskem domje w Budyšynje reprezentatiwnu studiju „Serbska rěč w našim regionje“ pśedstajiła. Zaměr studije jo, wědomnostne dopóznaśa wó rozšyrjenju a nałožowanju górnoserbšćiny w serbskem sedleńskem rumje Sakskeje a wó nastajenju tudskich wobydlarjow ku njej zdobyś. Na zakłaźe napšašowanja luźi kśě zwěsćiś, kótary wuznam serbšćina za wobydlarjow Górneje Łužyce ma. Pódobne pśespytowanje jo se slědny raz pśed něźi 40 lětami pśewjadło. Aktualne a wědomnostnje wobkšuśone daty wó połoženju górnoserbskeje rěcy njepśedlaže.