Ze Žylowa/Sielow. Za tym až su we wjele jsach na prědnem adwenśe 2025 wuzwólowanja wósadnych cerkwinych radow se wótměli a toś te gremiumy se stakim nowo stwórili, jo se zachopjeńk nowego lěta teke w Žylowje nowa cerkwinska rada wuzwólowała. To jo se stało z wobźělenim 25 procentow tych dogromady 517 do wuzwólowanja wopšawnjonych luźi. Šesć tych doněntejšnych cłonkow jo wótnowotki dostało dowěru wósady. Nowe w gremiumje su Nadine Hampikowa (Hampicke), Elias Bisse (jogo pśedstajijomy na pśiducem boce), Martin Lehmann a Markus Wahl.