Z Hochoze/Drachhausen. Gaž młode abo starše luštnje campruju, pón njejźo to tak pšawje mimo muziki, mimo kapały, mimo gercow. Teke pśi tych zapustojskich pśeśěgach njesměju wóni felowaś.

W Hochozy maju ned dwě kapale, ako stej w zapustowem casu cesto ducy, aby camprowarjow a zapustarjow rowno tak ako pśiglědarjow z wjasołymi štuckami rozwjaseliłej. Ta wětša, ako bu južo wokoło lěta 2004 załožona, a ta młodša, kótaraž jo chopiła ako kupka akle w lěśe 2025 muzicěrowaś. Tej staršej su dali to mě „Drachencombo“, ta młodša ma to mě „Młode plony/Die jungen Drachen“. A tych comy źinsa w Casniku pśedstajiś. Togodla smy byli pódla, gaž su gano grali pśi camprowanju we Wjerbnje. Wóni su byli jadna z tych styrich kapałow, kótarež su tam ceły źeń tšubili a bubnowali.

Prědny raz su grali w Turnowje pśi camprowanju