Z Budyšyna/Bautzen. Ludowe nakładnistwo Domowina (LND) glěda na wuspěšne lěto 2025. „Glědajucy na nabranki jo było łońske góspodaŕske lěto nejwuspěšnjejše slědnych źaseś lět“, zdźělijo jadnaŕ Syman Pětr Cyž. Wjeliki późěl na tom su měli jubilejne knigły „Chrósćicy“, ako nawjeduju z wjelikim wótstawkom wótbywańsku lisćinu togo łoni w LND wujźonego knigłowego programa. W cełku jo LND łoni 39.000 knigłow a dalšnych wudaśow pśedało a gromaźe z pśedanim casnikow a casopisow wušej 580.000 euro wobrota naźěłało. Tuchylu ma nakładnistwo šyroke póbitowanje z wěcej ako 4.500 wšakorakimi artiklami na skłaźe. Cełkowny wobstatk z wušej 200.000 produktami tuchylu wótere sobuźěłaśerje nakładnistwa w lětosnej inwenturje lice a pśespytuju.