ZMiłoraza/Mühlrose. Sylvia Zajcowa, dłujkolětna serbska ceptaŕka na zakładnej šuli w Slěpem/Schleife, móžo lětosa slědk glědaś na wósebny a gjardy jubilej: Z lěta 1985, to groni južo 40 lět dłujko, wóna wobleka to dźěćetko we swójej domacnej jsy Miłoraz. Wuknuła jo to ako młode źowćo, ako młoda ceptaŕka, wót Rožamarje Nowakoweje, dłujkolětneje serbskeje šołtowki we toś tej serbskej jsy w slěpjańskej wósaźe. „Tegdy běšo se Domowina, kótarejež cłonk ja wót młodych lět som, zasej wěcej zaběrała ze serbskeju ludoweju kulturu, ze serbskimi tradicijami a drastwami, a we tom casu smy w Miłorazu teke zasej wótžywili našo dźěćetko“, se wóna domyslijo na ten cas. Teke na to, až jo někotare raze była ta pśewódnica dźěćetka. To groni, až jo jeje cełe žywjenje wjelgin wusko zwězane ze dźěćetkom, a to nejskerjej dalej tak buźo, teke pón, gaž se pódajo ako ceptaŕka znowa na zasłužony wuměńk.

Dźěćetko

w nowem domje