Z Města/Cottbus. Wědomnosć jo w zajźonych lětach wjele kšacow doprědka pśišła, mjazy drugim teke na pólu genetiki. DNA-analyze wobkšuśiju mjazy drugim slěźeńske wuslědki z archeologije a linguistiki. Aby se nejnowše wuslědki DNA-slěźenja zwězane ze słowjańsko-serbskeju historiju pśedstajili, jo Šula za dolnoserbsku rěc a kulturu srjejź nowembra tśi wědomnostniki do Serbskego doma pśepšosyła, a to ku góźbje studijnego dnja.