Z Pódstupima/Potsdam. Wót lětosnego nalěta stoje źěle Janšojskeje milinaŕnje, briketownja w Carnej Plumpje a zbórkowy bager (Eimerkettenbagger) w jamje Wjelcej-pódpołdnjo pód šćitom pomnikow. Wóni pak nadalej źěłaju, togodla jo jich pomnikowy status mjasece dłujke diskusije zawinował. Kak se to pśemósćenje mjazy kulturnym derbstwom a góspodaŕskim wuwiśim konkretnje zwónoźeś a se raźiś dej, to rědujo dogrono, kótarež jo se pónjeźele, 17. nowembra, pśedstajiło.