Z Města/Cottbus. Špatne wjedro zajźony kóńc tyźenja jo 41. Schadowance zełdgało. Z tym jo bóžko zachopk swěźenja, źe wjeźenje pó serbskich rožkach města z Francis-ku Albertowu, kradučko do wódy padnuł. Wót wótpołdnja su byli źurja Gladhouse wótwórjone za gósći. Nowa městnosć jo dosć městna a móžnosći póbitowała za wšake aktiwity.

Tak su pokazali wšake „Serbske krotkofilmy“ a muzikowe wideo w Obenkinje. W kafejowni pśed kinom jo wuknikojska firma Dolnoserbskego gymnaziuma „Serbski Snack“ woglědarjow z pjaconym tykańcom, kafejom a tejom zastarała. Wušej togo stej ga dwě wuknicy w źěłowej drastwje gósći pśi źurjach wuwitałej a stej jim drogu k wóterym programowym dypkam a aktiwitam pokazałej. W barje Slow, pódla głownego zachoda, jo Astrid Šramina wót Serbskeje kulturneje akademije wucyła zajmcam, kak mógu gódowne kule z wóskom a serbskimi motiwami wupyšniś – jaden trend, kenž jo lětosa wósebnje woblubowany.