Zeleny slěd dopomina na citat z basnje Miny Witkojc, „Do maja“ (1955), kenž móžomy cytaś na jeje narownem pomniku: „Daś za nami ceri se wšuder / jan zeleny, kwiśecy slěd. / und nach uns geh, wo wir gegangen / eine maigrüne Blütenspur.“, pśestajony wót Kita Lorenca 1976. Na zachopjeńku su sobustatkujuce na njom wótpołožyli z ruku źěłane papjerjane kwětki a pśi tom citěrowali baseń Miny Witkojc „Kwětki“ (1926) – nimski „Blumen“ w pśestajenju Elke Nagel, 2001. Foto: Chr. Piniekowa 
Ze Złego Komorowa/Senftenberg. Dnja 11. nowembera, na 50. smjertnem dnju našeje lyrikaŕki a publicistki, redaktorki a pśestajaŕki Miny Witkojc (1893 – 1975), jo se wótměła w „Bergarskem domje“ Serbskeje cerkwje w Złem Komorowje (Senftenberg) wuměłstwowa performance k jeje cesći. Na toś to pśejmajuce pśedstajenje jo jadnab 40 luźi pśichwatało. Yana Arlt, basnikaŕka, kreatiw-pedagogowka a aktiwna cłonka NLZ – Nachwuchs-Literatur-Zentrum „Ich schreibe“ e. V. – w měsćańskem źělu Marga, jo měła ideju za toś tu prezentaciju ku cesći Miny Witkojc.
pětk, 21.11.2025
