Z Lipska/Leipzig. Serbski institut (SI), Leibniz-institut za krajowědu a Bramborkska techniska uniwersita su organizěrowali dwa dnjownu mjazynarodnu konferencu w Lipsku. Pód titelom „Rozdźěle a pśisłušnosć: Narodne mjeńyšyny w europskich se změnjujucych regionach“ jo 30 ekspertkow a ekspertow diskutěrowało wšakorake temy. Rolu mjeńšynow w procesach regionalnego a ekonomiskego wuwiśa su tematizěrowali Lutz Lašewski a Měto Nowak wót Serbskego instituta w Chóśebuzu a Martin Klatt wót Europskego centruma za mjeńšynowe temy w Flensburgu. Bayan Mirzakeyeva wót barlinskeje Techniskeje uniwersity jo pśirownowała wliw łužyskego górnistwa na Serbow a sowjetskego rolnikaŕskego wuwijanja w štepach na kazachiskich wobydlarjow. Wóna planujo dalšne rozgrona z luźimi we Łužycy, aby dostała dokradnjejše informacije k tomu.