Sobotu, 15.11.2025, 13:10 – 13:40 w rbb telewiziji

(w interneśe pód

www.rbb-online.de/luzyca)

Moderator Christian Matthée jo ducy na Filmowem festiwalu Chóśebuz, kótaryž bitujo serbskemu filmoju wažne jawišćo. Wón jo teke gósć pla filmoweje seśi „Łužycafilm“, kótaraž swěśi na festiwalu swój źaseślětny jubilej.

Centralne pšašanje jo: Kak filmarje zwónoźiju swójo źěło pśi śěžkich góspodaŕskich wuměnjenjach. Exemplariski za to stoj grajny film „Nykus“, kótaryž jo se nawjerśeł w tom lěśe w Błotach. Wupominajuca produkcija musy wujś bźez spěchowanja filma a z minimalnym, priwatnje financěrowanym etatom. Weto se projekt wusměrijo na nacionalny a mjazynarodny kinowy publikum. Južo něnto mógu źiśi dožywiś něco nowego: „Kulu cowańkow“ pla Pěskowego mužyka mamy něnto teke w dolnoserbskej rěcy. „Łužyca“ pokazujo wurězki nowych powěsćowych tšojeńkow.