Ta sćažka – až do lěta 1970 myslona za „Gustu“ a něnto za drogowanje a kólasowanje – jo Grodowu góru napšawdu źěliła.Historiske foto z lěta 1970: 4. januara togo lěta jo „Gusta“ zastała slědny raz na staciji blisko Bismarkowego torma.To hyšći dopomnjejo na bórkojsku staciju „Bismarckturm/Bismarkowy torm“.To jo rědny model Błośańskeje zeleznice. Jen jo twarił znaty bórkojski fotograf Ingmar Steffen. W śoplejšem casu móžośo to wiźeś w zagroźe jogo kafejownje.W Nowem Casniku w januarje 1970 jo był wiźeś toś to foto: Prědne wupyšnjone buse su cakali na bórkojskem dwórnišću na pasažěrow.

7. stacija: Bórkowy/Burg:

Dwórnišćo we Wjerbnje, wó kótaremž smy slědny tyźeń pisali, jo było za transport a wózenje górkow a drugeje zeleniny nejwažnjejše dwórnišćo Błośańskeje zeleznice. Togodla su jej teke luštnje gronili „Gurkenbahn“ abo „Meerretichbahn“. Pśiduce dwórnišćo za Wjerbnom jo było pak na hynakšy part wjelgin wažne a znate. To jo Bórkojske a wóno jo było woblubowane a wužywane wót turistow a gósći, ako su howko pśišli wósebnje na cołnowanje.